Temporada 2009-10

Volvió cuntase con Manolo Preciado como entrenador ye esta segunda campaña consecutiva na División d'Oru del fútbol español na qu'intervinieron 19 equipos.

Tres una serie de partíos amistosos de preparación, cola novedá d'apostar unu d'ellos n'Inglaterra contra'l Birmingham, empezó la competición de Lliga l'últimu domingu d'agostu nel Nou Camp contra'l Barcelona. Xubieren el Zaragoza, Tenerife y Xerez.

Na primer vuelta llográronse bastantes bonos resultaos. El Sportng quedó a metá de la tabla al rematar la mesma. Les coses complicaronse na segunda, cuando los trés equipos qu'a la fin baxaron, Xerez, Tenerife y Valladolid, puntuaron n'El Molinón. Sicasí consiguióse l'allampada salvación na penúltima xornada y ocupóse finalmente'l puestu 14 de la clasificación. La competición foi ganada pol Barcelona, nun duru bracéu col Real Madrid.

Na Competición de Copa'l Sporting foi esaniciáu a les primeres de cambiu por un equipu de Segunda División, el Recreativu d'Huelva, acabante baxar de  Primera. Los roxiblancos presentaron un equipu llenu de suplentes nos dos alcuentros -terminaos dambos con empate a unu- y fueron esaniciaos na tanda  penaltis.

Pela so parte l'equipu B, consigió matener la categoría na Segunda B, na que participó.

Juan Pablo

Juan Pablo Llombes Ferreras, porteru altu y fuerte que s'incorporó a la disciplina del Sporting na temporada 2009-10.

Nació en Llión el 2 de Setiembre de 1978. Xugó nel Alavés B (2000-02), Alavés (2002-05), Numancia (2005-07), Tenerife (2007-08), otra vegada Numancia (2008-09). Incorporar al Sporting na 2009-10 y actuó nos 38 alcuentros de Lliga, teniendo en cuenta amás qu'el so compañeru Cuéllar sufrió al empiezu de la campaña una grave mancadura.

Iván Cuéllar Sacristán, “Pichu Cuéllar”, porteru altu y fuerte que xugó dende la temporada 2008-09 nel Sporting.
Nació en Mérida (Badayoz), el 25 de Febreru de 1984. Formar nel Mérida, en que'l so equipu debutó como xuvenil na campaña 2001-02, a la fin de la cual pasó a la disciplina del Atléticu de Madrid, onde tuvo dende 2002 a 2008. Ganó la Lliga española xuvenil nel 2002, foi internacional coles selecciones Sub-20, Sub-21, Sub-23 y llegó a debutar en Primer en 2005. Foi cedíu al Eibar en 2007-08 y fichó pol club xixonés, acabante xubir a la División d'Honor, en 2008-09. Nel mes d'avientu de 2008 sufrió una grave mancadura que-y caltuvo un bon períodu estremáu de les alliniaciones, anque intervieno en 18 alcuentros. Namá intervieno nos dos partíos de Copa de la 2009-10, na qu'una nueva mancadura caltúvolu inactivu.

Andreu

Andreu Guerao Mayoral, foi un técnicu centrocampista catalán, que, incluyida la 2008-09, xugó tres temporaes nel Sporting, nes que les mancadures torgarón una continuidá nes alliniaciones.
Nació en Barcelona'l 17 de Xunu de 1983. El so hermanu Tonet tamién foi futbolista y xugo nel Uviéu B. Formáu nes categoríes inferiores del Barcelona y pasó a la disciplina del Málaga (2003-06), que lo incorporó al so segundu equipu na División de plata. Fichó pol club raxón xixonés de Segunda División y participó en 29 alcuentros de la 2006-07 y en siete de la 2007-08, que supunxo l'ascensu y na que pasó llargos periodos de tiempu nel dique secu por mancadures, que se-y volvieron repitir na campaña de la División d'Honor 2008-09 polo que namá intervieno en siete partíos.

Barral

David Barral Torres, foi un delanteru centru andaluz, agresivu, lluchador ya individualista, que, incluyida la 2008-09, xugó tres temporaes nel Sporting.

Nació en San Fernando (Cádiz) el 10 de Mayu de 1983. Formau nes categoríes inferiores del San Fernando, na Escuela San Martín y la GE Bazán. Integrase a la disciplina del Real Madrid dende'l 2002, con una cesión al Fuenlabrada na 2003-04 y una temporada nel Catilla na 2005-06. Fichó pol club raxón xixonés en Segunda División y participó en 38 alcuentros, con diez goles, de la 2006-07 y en 34, con once tantos, de la 2007-08, que supunxo l'ascensu a la Primer División. Na Categoría d'Honor intervieno na campaña 2008-09 en 40 partíos y marcó 40 tantos, unu d'ellos contra la Valencia que supunxo'l gol mil del equipu en Primer com local.
Bilic
Mate Bilic, foi un delanteru centru croata, lluchador y goliador, que xugó, incluyida la 2008-09, en tres temporaes col Sporting, la primera como cedíu y separaes por un periodu de tres año.
Nació en Split (Croacia) el 23 d'Ochobre de 1980. Dende 1997 al 2001, xugó la lliga croata defendiendo el colores del Hajduk Split. Fichó pol Zaragoza na campaña 2001-02 y foi cedíu nos dos siguientes al Almería (2002-03) y al Sporting. Esta primer temporada que lo fixo nel club raxón de Segunda División, formó un bon tándem con Miguel, intervieno en 42 partíos de la 2003-04 y quedóse a les puertes del ascensu a Primera. Depués xugó nel Córdoba (2004-05), LLéida (2005-06) y Rapid de Viena (2006-2007). Nel mercáu d'iviernu de la 2007-08, volvió de nuevu al equipu xixonés y foi una de les pieces fundamentales pal ascensu que se consiguió al rematar. Participó en 23 alcuentros y marcó diez goles. Siguió en Primera na 2008-09, xugó 41 partíos y marcó 12 goles.
Borja Navarro Borja Navarro García,delanteru centru que debutó col Sporting na campaña 2009-10.
Nació en Xixón el 14 de Mayu de 1990. Hermanu del ciclista Dani Navarro. Formase nel Quinta de San Eutiquio, Roces y categoríes inferiores del Sporting. Debutó col primer equipu en Primer División na campaña 2009-10 y intervio en 2 alcuentros.
Botía
Alberto Tomás Botía Carrasco, defensa central altu y técnicu que s'incorporó al Sporting na campaña 2009-10, cedíu pol Barcelona.
Nació en Alquerías (Murcia) el 27 de Xineru de 1989. Formase nes categoría inferiores del Barcelona, llegando a formar parte de la selección nacional Sub-21 cola que foi campeón de los Xuegos Mediterráneos. Incorporase al Sporting de primera División na camapaña 2009-10, onde se fixo llueu col puestu titular ya intervieno en 27 alcuentros.
Camacho
Diego Camacho Quesada, mediocampista bien completu, alto, técnicu y lluchador, que xugó dos temporaes nel Sporting.
Nació en Madrid el 3 d'Ochobre de 1976. Xugó nel Burgos (1996-97), Nástic de Tarragona (1997-98), Murcia (1998-99), Llugo (1999-2000), Torrelavega (2000-01), Granada (2001-02), Recreativu d'Huelva (2002-04), Llevante (2004-07) y Valladolid (2007-08). Fichó pol club raxón xixonés, acabante xubir a la División d'Honor, na campaña 2008-09 y convirtióse nun xugador imprescindible nes alliniaciones, al intervenir en 35 alcuentros. Na 2009-10 baxó a 23 partíos.
Canella
Roberto Canella Suárez foi un técnicu defensa esquierdu con progresión ofensiva, que procedente de la cantera xugó, incluyida la 2008-09, tres temporaes nel Sporting.
Nació en La Pola Llaviana el 7 de Febreru de 1988. Formase na escuela de Mareo y llegó hasta'l Sporting B. Pasó al equipu de Segunda División y participó en 17 alcuentros de la campaña 2006-07 y en 38 de la 2007-08 que terminó col ascensu del club. Na División d'Honor intervieno en 24 partíos de la 2008-09 y foi declaráu'l meyor defensa esquierdu español menor de 21 años per delantre del so compañeru José Angel. Formó parte de les Selecciones Españoles Sub-19, cola que foi campeón d'Europa y en sieteocasiones de la Sub-21.
Carmelo
Carmelo González Jiménez, mediapunta de gran clase y velocidá que s'incorporó la temporada 2008-09 al Sporting.
Nació en Les Palmes el 9 de Julio de 1983. Antes de llegar a Xixón, xugó en Les Palmes (2001-05), Llevante (2005-08), con cesiones al Hércules (2007) y Numancia (2007-08), y foi campeón d'Europa 2002 cola selección española Sub-19. Fichó pol Sporting, acabante xubir a la División d'Honor, y xugó 30 alcuentros na 2008-09 y 28 na 2009-10.
De las Cuevas

Miguel Ángel de las Cuevas Barberá, técnicu centrocampista media punta que llegó al Sporting dende l'Atléticu de Madrid, con una opción de recompra.
Nació n'Alicante'l 19 de Xunu de 1986. Formose nes categoríes inferiores del Hércules pasando al so equipu de Segunda División dende'l 2004 al 06. Nel At. de Madrid xugó dende 2006 al 2009, pa incorporase al Sporting de primera División na 2009-10 ya intervieno en 38 alcuentros.
Diego Castro
Diego Castro Jiménez foi un estremu esquierda, rápido y de bon regate, que xugó, incluyida la 2008-09, tres temporaes nel Sporting.
Nació en Pontevedra'l 2 de xunetu de 1982. Fíu del entrenador Castro Santos, entamó nel Pontevedra (2001-03) y pasó a la disciplina del Málaga que lo incorporó al so segundu equipu (2003-06). Fichó pol club raxón xixonés de Segunda División y participó en 38 alcuentros de la campaña 2006-07 y en 38 de la 2007-08 que supunxo l'ascensu a la Primer División del Club. Na División d'Honor intervieno en 35 partíos de la campaña 2008-09.
Gerard
Gerard Autet Serrabasa foi un defensa central, técnicu y seguro, que xugó, incluyida la 2008-09, dos temporaes nel Sporting.
Nació en Manlleu (Barcelona) el 8 de Setiembre de 1978. Formose nos equipos inferiores del Barcelona y pasó dempués al Palamós (1997-99), Español B (1999-2001), Llevante (2001-02) y Xerez (2002-07). Fichó pol Sporting de Segunda División ya intervieno en 35 alcuentros de la campaña 2007-08, que supunxo l'ascensu a la Primer División del. Na División d'Honor participó y 27 de la 2008-09.
Gregory
Gregory Arnolin, central altu y potente que s'incorporó al Sporting na temporada 2009-10.
Nació en París el 10 de Noviembre de 1980. Formose nes categoríes inferiores del Paris Saint Germaine. Depués xugó nel equipu francés del Villemoble (2001-02) y en el portugueses del Pedras Rubras (2002-04), Gil Vicente (2004-06), Marítimu de Funchal (2006-08) y Vitoria de Guimaraes (2008-09). Incorporase al Sporting na campaña 2009-10, onde llueu se fixo col puestu de titular ya intervieno en 35 alcuentros.
Iván Hernández
Iván Hernández Soto foi un defensa central o mediocampista defensivu madrilanu, que xugó, incluyida la 2008-09, dos temporaes nel Sporting.
Nació en Madrid el 27 de Febreru de 1980. Formose nel Mosacardó xuvenil y nos equipos inferiores del Atléticu de Madrid hasta'l 2002, que foi cedíu a otros clubes de la comunidá: Rayu Majadahonda (1999-2000) y Amorós (2000-01). Facer nel Alcorcón na 2002-03, nel Málaga B dende 2003 a 2005 y nel Valladolid dende 2005 a 2007, col que xubió a Primera. Fichó pol club raxón xixonés de Segunda División ya intervieno en 36 alcuentros de la campaña 2007-08, que se cerró col ascensu a la Primer División. Nesta División d'Honor participó en 27 de la campaña 2008-09.
Jose Ángel

José Ángel Valdés Díaz, Cote, prometedor defensa llateral esquierdu que debutó col Sporting na 2008-09.
Nació en Xixón, el 5 de Setiembre de 1989. Empecipiar na Escuela de Mareo con ocho año. Pasó por toles categoríes y, en faciendo la pretemporada col equipu yá en División d'Honor, debutó nun partíu de Copa contra'l Valladolid, en Xineru de 2009. Poco dempués, en Lliga, onde tuvo grandes actuaciones y foi internacional Sub-21. Intervieno en 17 alcuentros de 2008-09 y foi declaráu'l segundu meyor defensa esquierdu español, menor de 21 años, por detrás del so compañeru Canella, distinción que si consiguiría na camapaña siguiete, 2009-10, na qu'actuó en 15 partíos. Nun confundir con José Ángel Blanco Hevia, qu'intervieno nun partíu col primer equipu na campaña 2005-06.
Juan Muñiz

Juan Muñiz Gallego, mediocampista que debutó na temporada 2009-10, siendo'l segundu xugador más nuevu en facelu en Primera col Sporting.
Nació en Xixón el 14 de marzu de 1992. Formase nel Colexu Clarín y nes categoríes inferiores del Sporting. Debutó col primer equipu en Primer División nel postreru partíu de Lliga de la campaña 2009-10, xugando unos minutos en Santander. Ye internacional Sub-17.
Kike Mateo

Enrique Mateo Montoya foi una mediapunta o segundu delanteru, de bona técnica, que xugó, incluyida la 2008-09, dos temporaes col Sporting.
Nació en Murcia'l 30 d'Avientu de 1979. Antes de llegar a Xixón xugó nel Pinatar y Bullense (1998-99), Orihuela (1999-2000), Ciudá de Murcia (2000-01), Mallorca B (2001-02), Orihuela (2002), Lorca (2003-04), Eibar (2004-05) y Hércules (2005-07). Fichó pol club raxón de Segunda División ya intervieno en 35 alcuentros de la campaña 2007-08, que supunxo l'ascensu a la Primer División del club y na que foi'l máximu goliador del equipu con doce dianes. Na División d'Honor participó en 27 alcuentros la campaña 2008-09.
Landeira
Marcos Landeira Álvarez foi un técnicu centrocampista organizador de la cantera, que xugó tres temporaes nel Sporting, ensin satisfaer dafechu les sos actuaciones.
Nació en Xixón el 2 de Mayu de 1987. Empezó nel equipu xixonés del Xeitosa, na escuela de Mareo y llegó hasta'l Sporting B. Pasó al primer equipu raxón de Segunda División ya intervieno en cuatro encuentro de la campaña 2005-06; n'once de la 2006-07 y en cuatro de Copa de la 2007-08, qu'en Lliga terminó con un ascensu a Primer División. Foi cedíu al Melilla na 2008-09
Lola
Milan Smiljanic. Lola, foi un mediu serbiu que s'incorporó al Sporting mediada la temporada 2009-10.
Nació en Kalmar (Suecia) el 19 de Noviembre de 1986. Del 2004 al 2007 xugó nel Partizan de Belgrado. Na 2007-08 incorporar al Español de Barcelona y mediada la 2009-10 foi cedíu al Sporting pa cubrir la baxa de Michel que fuera trespasáu. Por una mancadura xugó namá 6 alcuentros.
Lora

Alberto Lora Ramos foi un pequeñu centrocampista madrilanu, que, enrolado nel filial, xugó, incluyida la 2008-09, dos temporaes col Sporting.
Nació en Móstoles (Madrid) el 25 de Marzu de 1987. Formase nes categoríes inferiores del Real Madrid ya incorporóse a la disciplina del club raxón xixonés pa faelo nel Sporting B nel 2007. Intervieno col primer equipu en Segunda División nun alcuentru na campaña 2007-08, que terminó con ascensu a Primer. Na campaña 2008-09, na que siguió nel filial, yá debutó, nel mes d'Avientu, na División d'Honor y foi alliniáu en 11 alcuentros.
Luis Morán
Luis Morán Sánchez foi un estremu derechu de la cantera, técnicu y con facilidá de disparu, que xugó, incluyida la 2008-09, tres temporaes nel Sporting.
Nació en Lluanco'l 26 de Julio de 1987. Formar nos equipos inferiores del Maríno y na escuela de Mareo. Como xuvenil ganó la Copa d'España de Clubes nel 2004, xugó col Sporting B y debutó col primer equipu raxón de Segunda División. Iintervino unos minutos, en sustitución de Pedro, nel postreru partíu de la campaña 2006-07 y en 30, con cuatro goles, de la 2007-08, que terminó col ascensu a Primer. Na División d'Honor participó en 30 alcuentros de la campaña 2008-09.
Maldonado
Francisco José Maldonado Collantes, rápidu delanteru polivalente que xugó, siquier, la temporada 2008-09 nel Sporting.
Nació en San Fernado, (Cádiz) ,el 2 de Xunu de 1981. Formase nes categoríes inferiores del Betis, a que la so disciplina deportiva perteneció tola so vida, y debutó col primer equipu na División d'Honor. Foi cedíu al Ceuta (2004-05), Lorca (2005-06) y Ximnásticu de Tarragona (2007-08). Fichó pol club raxón xixonés, acabante xubir a la División d'Honor ya intervieno en 22 alcuentros de la 2008-09 y en 17 de la 2009-10.
Matabuena
Sergio Matabuena Delgado foi un mediocampista defensivu, trabayador y bien asitiáu, que xugó, incluyida la 2008-09, dos temporaes col Sporting.
Nació en Santander el 12 de Febreru de 1979. Formase nel Velarde y nel Racing B y xugó col primer equipu cántabru dende 2002 a 2007. Fichó pol equipu raxón xixonés en Segunda División ya intervieno en 38 alcuentros de la campaña 2007-08, que terminó con un l'ascensu a Primer División y nesta División d'Honor participó en 26 de la campaña 2008-09.
Michel
Miguel Marcos Madera foi un fuerte y técnicu centrocampista organizador de la cantera, que xugó, incluyida la 2008-09, cuatro temporaes nel Sporting.
Nació en La Pola L.lena el 9 de Noviembre de 1985. Formarse na disciplina de Mareo y como xuvenil ganó la Copa d'España de Clubes nel 2004 cuando yá s'alliniaba nel Sporting B. Debutó col primer equipu en Segunda División ya intervieno en 24 alcuentros de la campaña 2005-06; en 35 de la 2006-07 y en 38 de la 2007-08 que supunxo l'ascensu a la Primer División. Na División d'Honor participó en 36 de la campaña 2008-09.
Pedro

Pedro SantaceciliaGarcía foi un disciplináu estremu drecha de la cantera que xugó, incluyida la 2008-09, cuatro temporaes nel Sporting.
Nació en Xixón el 10 de Marzu de 1984. Entamó nel equipu xixonés del Colexu de La Inmaculada y pasó a la escuela de Mareo. Col primer equipu raxón en Segunda División intervieno en tres encuentro -nos dos primeros namá unos minutos sustituyendo a Gerardo- de la campaña 2005-06; en 22 de la 2006-07 y en 38 de la 2007-08, que supunxo l'ascensu a la Primer División. Na División d'Honor xugó 22 partíos de la campaña 2008-09.
Portilla
Cristian Portilla Rodríguez foi un mediocampista que s'incorporó na temporada 2009-10 al Sporting.
Nació en Santander, el 28 d'Agostu de 1988. Formase nes categoríes inferiores del Racing de Santander y xugó nel primer equipu del 2005 al 2008. En siendo cedíu al Ferrol y a la Ponferradina, incorporar al Sporting B na campaña 2009-10 y pasó en 4 partíos al primer equipu.
Rivera

Alberto Rivera Pizarro, mediocampista pequenu, técnicu y lluchador qu'a la fin de la so carrera deportiva, en llevando munchos años na élite, incorporase a la disciplina del Sporting.
Nació en Puertollano (Ciudá Real) el 16 de Febreru de 1978. Formau na cantera del Real Madrid, debutó col primer equipu na campaña 1994-95, siendo'l xugador más nuevu que vistió la camiseta blanca y tamién en marcar un gol. Permaneció ellí hasta'l 2002, con cesiones al Numancia (1999-2000) y al Olympique de Marsella (2001-02). Depués xugó nel Llevante (2002-05) y el Betis (2005-09). Incorporar al Sportig na 2009-10, onde llueu se convirtió na figura indiscutile del equipu ya intervieno en 35 partíos oficiales.
Sastre
Rafel Sastre Reus foi un defensa drechu, home d'equipu, qu'ensin ser una figura xugó ocho temporaes nel Sporting incluyida la 2008-09 y promedió casi 40 partíos per temporada.
Nació en Benissalem (Mallorca) el 22 d'Ochobre de 1975. Entamó nes formaciones inferiores del Mallorca y nel so equipu B dende 1997 a 1999. Depués xugó dos campañes nel Cádiz (1999-2001). Fichó pol club blancu de Segunda División y fíxose darréu l'amu de la banda derecha defensiva. Intervieno en 41 partíos de la 2001-02; en 38 de la 2002-03; en 37 de la 2003-04; n'otros 37 de la 2004-05; en 38 de la 2005-06; en 36 de la 2006-07 y en 38 de la 2007-08, que supunxo l'ascensu a la Primer División. Siguió col equipu na División d'Honor de la 2008-09, onde foi'l primer capitán, xugó 33 alcuentros y algamó los 300 partíos col Sporting.
Sergio Álvarez

Sergio Álvarez Díaz, mediocampista que debutó na temporada 2009-10, siendo'l segundu xugador más nuevu en facelo en Primera col Sporting, anque nel mesmu ecuentru'l so compañeru Juan Muñiz arrampuñó-y esi honor.
Nació n'Avilés el 23 de xineru de 1992. Formase en La nuesa Señora del Bon Conseyu y nes categoríes inferiores del Avilés y Sporting. Debutó col primer equipu en Primer División nel postreru partíu de Lliga de la campaña 2009-10, xugando tol alcuentru.