David Villa'L Guah.e

David Villa convirtióse nun ídolu pa los aficionaos al fútbol con una trayectoria de gran ésitu en toles categoríes. Nacíu en Tiuya y forxáu na aportunante y aballadora tierra asturiana, el Guah.e convive al par de un balón dende la so dómina infantil. Pocos recuerden una imaxe de David que nun sía dando pataes a un esféricu.

David siempres cuntó col sofitu de la so familia, el so padre creyó nel so potencial y constitúi un personaxe básicu na vida del futbolista asturianu.

El so primer equipu foi'l Llangréu. Una mancadura nel fémur de la pierna drerecha estrayxo la so tenacidá y, bien por necesidá, bien por evitar esprendese d'esi amor a la primer vista que sintió pol balón dende bien neñu, potenció'l trabayu cola esquierda y convirtióse nun futbolista ambidiestro.

La perspectiva yera granible, sigiloso ya introvertíu, caseru y familiar, el so calter provocába-y l'arrebol al comprobar cómo xubía pasos nel mundu futbolísticu y el so prestíu estendíase nel mundu del deporte.

Del Llangréu con namá 17 años pasa a formar parte de la escuela de Mareo. El Real Sporting sería'l so equipu dende entós. Ellí vistió la camiseta nel equipu xuvenil de División d'Honor pa xubir dempués al filial y debutar col primer equipu la temporada 2001/02. Mientres dos campañes amosaría'l so repertoriu futbolísticu en Segunda División defendiendo el colores que otrora vistiera unu de los sos ídolos, Enrique Castro, Quini.

El Real Zaragoza percibe la so calidá futbolística y conviértese en futbolista del conxuntu maño pel branu de 2003. Mientres la so etapa nel conxuntu de Zaragoza debuta como internacional absolutu. El cántico “Illa, illa, illla, Villa maravía” cantábase cada quince díes na Romareda.

A puntu d'empecipiase la campaña 2005/06 y con delles ufiertes pa faese colos sos servicios, el Guah.e recala nel Valencia C.F. El conxuntu blanquinegru paga la clausula de rescisión del so contratu cifrada en 12 millones d'euros y la so calidá desatápase definitivamente tantu n'España como n'Europa. Esi añu consigue 25 goles col Valencia y queda segundu clasificáu como pichichi na Lliga de les Estrelles. Les siguientes temporaes marcaría 15 y 18 goles namá en Lliga.

Formóse nel UP Llangréu. Siendo bien nuevu quebróse'l fémur y aprovechó la so recuperación pa empezar a cutir el balón cola pierna maniega; ye quiciabes por eso qu'anguaño cuta'l balón perfectamente con dambes piernes. Dende siempres el fútbol foi la so pasión. Militó nel UP Llangréu hasta los 17 años. A esa edá llamó l'atención de los clubes asturianos punteros, el Real Uviéu refugara yá incorporalo a la so cantera  por cuenta de que'l cuerpu técnicu nun creyó que tuviera suficiente potencial. Esto dexó-y el camín llibre al Real Sporting, que-y incorporó na so cantera, primero na División d'Honor xuvenil y darréu nel Sporting B por que debutara na campaña 1999/2000. Tres dos años acabando de formase en Mareo, na temporada 2001/2002 xubió al primer equipu del Real Sporting, club col que xugó dos temporaes completes en segunda división. Llamó l'atención de los equipos de primera división pola so capacidá goliadora, y el Real Zaragoza fichólo na temporada 2003/2004 por aprosimao 3 millones d'euros. Mientres la so etapa en Zaragoza produz el so debú na Selección Española. Son momentos bien felices pa él. Les coses tán diéndo-y bien, y l'afición maña ta con él. Empieza entós a entonase per Zaragoza'l cántico “illa illa illa, Villa maravía”. Na temporada 2005/2006 llegó a la Valencia CF, el so actual equipu, que, pa consiguir los sos servicios pagó lo axustao na clausa de rescisión del so contratu: 12 millones d'euros. Na so primer temporada nel club Ché cumplió coles mires xeneraes yá que anotó 25 tantos, quedando segundu nel troféu Pichichi namá a un gol de Eto‘o. La gran temporada realizada llevó-y a ser unu de los convocaos por Lluis Aragonés pa participar nel Mundial d'Alemaña cola Selección Española. Nel primer partíu d'España nel Mundial d'Alemaña 2006 contra Ucrania, Villa marcó dos goles. N'octavos de final marcó ante Francia, equipu que posó de la competición a el españoles. Na temporada 2006-2007, David Villa aportó a de nuevu'l máximu goliador nacional, consiguiendo asina'l so segundu troféu Zarra, qu'otorga'l diariu deportivu Marca cada añu dende'l 2006. La Lliga 07/08 nun foi fácil nin pa David nin pa los sos compañeros de la Valencia CF, pero sicasí, el Guaje llogró un bien bon rexistru goliador, marcando 18 goles en Lliga. Sicasí, la temporada va quedar marcada en lletres d'oru pola consecución del títulu de Copa del Rei, la segunda nel palmarés de David, qu'amás dio a la Valencia CF la clasificación pa la UEFA Cup. Pero lo meyor de 2008 entá taba por llegar. David Villa fixo hestoria cola selección española na Eurocopa d'Austria y Suiza, coronándose Campeón de la Eurocopa y llogrando la Bota d'Oru que-y acreditó a lo más goliador del campeonatu con 4 goles llograos nos 3 partíos qu'apostó, yá que folgó nel partíu contra Grecia, cola clasificación pa cuartos yá llograda y mancóse nel partíu de semifinales contra Rusia. Na pasada campaña, la 08/09, David  completo unos rexistros demoledores. L'asturianu anotó 28 goles namá na competición liguera. L'artilleru valencianista, vio puerta en 21 alcuentros, consiguió bater a 14 equipos y nellos llogró hasta seis dobletes. Tou esto, superando los problemes físicos que lu acompañaren mientres della selmana a lo llargo del pasáu cursu deportivu y que-y tuvieron alloñáu de los terrenes de xuegu mientres dellos partíos. El “7”, atropa la respigante cifra de 170 tantos nos sos nueve temporaes como profesional. El so ratio anotador ye de 18,8 goles per temporada. L'asturianu ve puerta cada 1,8 alcuentros apostaos. Dende la so llegada al club levantino, el Guah.e suma 102 goles cola elástica blanquinegra nes sos 4 temporaes na capital del Turia. Como internacional español, ye yá'l segundu máximu realizador de la hestoria de la Selección Española, alzando la so cifra anotadora a 44 tantos nes sos 49 alcuentros apostaos con “La Colorada”. No personal, cabo destacar que David ye una persona responsable y centrao nel so oficiu. Al falar con él unu sospriéndese de la fabulosa visión que tien del fútbol y de la vida. Ye daquién que sabe lo que quier y lo que tien de faer en cada momentu. Daqué tamién bien importante que consiguió ye salir de los sos anteriores equipos dexando munchos amigos atrás. Les aficiones siempres supieron entender qu'el so camín tenía de prosiguir y nunca-y refartaron por ello. Güei día los aficionaos del Sporting y del Zaragoza guarden una alcordanza especial y un gran ciñu a David. Ta acabante de fichar pol FC Barcelona

"El guah.e más grande del fútbol" David Villa, El Guah.e, xuega al fútbol prácticamente desque nació, fai yá 28 años en Tiuya, Llangréu. Lo suyo col balón foi amor a la primer vista y ye que, según el so propiu padre, colábase cola pelota debaxo del brazu y cuando-y preguntar áu diba, respondía que al colexu, ensin dase cuenta de que se dexaba los llibros en casa. Una mancadura nel fémur de la pierna drerecha tuvo a puntu de dexalu coxu y estrema-y del fútbol pa siempres, pero asocedió tou lo contrario, sirviólu pa practicar cola esquierda y apoderar los dos piernes. El so tesón llevó-y a convertise n'unu de los meyores xugadores del momentu y anguaño demuéstralo como delanteru del Barcelona. Si queréis conoce-y un pocu meyor, lleéi esta entrevista.
¿Quién te moteyó como El Guah.e? Los mios compañeros del Sporting B.
¿Te gusta que te llamen asina?
Sí, encántame, téngo-y enforma ciñu a esi llamatu.
Con apenas 28 años yá tienes munchos ésitos profesionales a los tos llombos, ¿tienes la sensación de que ta pasando tou bien apriesa? Asumir ensin más, precisamente porque la vida pasa bien rápido y nun quiero perder tiempu en coses que nun m'apurren nada.
¿Cuándo tuvisti'l to primer balón? Yo creo qu'en cuanto nací, el mio padre yá me regaló un balón de fútbol.
¿Pienses en daqué cuando vas llanzar un gol? Concéntrome en metelo y namá.
Y falando de goles, ¿cuál ye'l que más te gustó meter? Un, dende 'l mediu del prau na Coruña.

El Llangréu foi l'equipu que te dio la to primer oportunidá, y depués el Sporting, ¿ye ciertu que l'Uviéu non te escoyó porque l'autobús que venía a la ciudá nun paraba en Tiuya? Sí, anque a estes altures apenas m'alcuerdo d'esa anécdota. Lo que ta claro ye que foi daqué que, finalmente beneficióme, si non, quién sabi ónde taría agora.
¿Eches de menos vivir equí? Sí, bien d'ello, pero sé qu'en diez o doce año, como muncho, voi volver.
¿Qué te gusta faer cuando tornes a Asturies? Pos aprovecho pa tar cola xente que quiero a la que nun veo tan de cutiu como me gustaría: familia, amigos...
Ta claru que llegasti onde tas  a base del to esfuerzu, ¿pero hai daquién a el que teas especialmente estimosu? Hai munches persones que m'ayudaron y a les que toi verdaderamente estimosu. Ente elles, la mio familia, los mios entrenadores y los mios compañeros.
El to camín nun foi fácil. De pequeñu sufristi una mancadura importante y, según unes declaraciones del to padre, yeres mal comedor... ¿qué-y diríes a los neños que suañen convertise en grandes futbolistes? Sobremanera qu'entrenen enforma y que se presten faciéndolo, qu'esfruten practicando esti deporte o cualesquier otru, pero que faigan deporte.
¿Della vegada te plantegasti dedicate a otra cosa que nun fuera'l fútbol? La verdá ye que siempres tuvi bien claro que yera esto a lo que quería dedicame, nunca plantegé otra opción.
¿Hai daqué que non te guste del to oficiu? Si hai daqué que nun me guste enforma, vese compensáu en demasía por toles coses bones que me da.
Nominación pa ser el futbolista européu del añu, nominación al Balón d'Oru... Anguaño nun fixisti otra cosa que collechar ésitos, ¿qué foi lo meyor que te pasó en 2008? Quedo con toles coses que me pasaron, pos toes paécenme importantes.
¿A qué futbolistes almires? Quini, Juanele, Luis Enrique...
¿Qué te paez ser portada del videoxuegu FIFA 07? Encántame, porque amás, gústenme enforma los videoxuegos y ésti paezme bien bonu.
¿Te queden munchos suaños por cumplir? Espero que sí, porque inda soi bien nuevu.
DAQUÉ MÁS SOBRE EL GUAH.E: Aficiones:
La mio afición ye'l fútbol.
Comida preferida:
Fabada asturiana.
Película favorita: Braveheart.
Llugar preferíu:
Tiuya.
Llibru:
El Códigu da Vinci. LA FICHA: Fecha de nacencia:
3 d'avientu de 1981.
Llugar de nacencia:
Tiuya, Llangréu.
Estatura:
1,75 cm.
Pesu:
69 quilos.
Equipu actual:
FC Barcelona
Puestu:
Delanteru centru.