33 Aniversariu De La Escuela De Mareo

La Escuela De Mareo

Allugamientu: Camin  de Mareo a Granda, 645.

Xixón

Principáu d'Asturies

Propietariu Conceyu de Xixón  Superficie 111 700 m2 Abrio les puertes 28 de Marzu de 1978

Equipu llocal Sporting B ...

La Escuela de fútbol de Mareo, que'l so nome oficial ye Escuela de Fútbol Ángel Viejo Feliú, ta asitiada nel barriu de Mareo de baxo, na parroquia xixonesa de Llorio, onde tien la so casa social el Real Sporting de Xixón. La finca ye, anguaño, propiedá del Conceyu de Xixón. Considérase actividá de la Escuela tou lo rellacionao colos equipos de fútbol base, esto ye, les categoríes inferiores (xuveniles, cadetes, infantiles, etc.. etc.. ) del Sporting, y el fútbol femenin. La Escuela ta financiada, principalmente, pola Fundación Real Sporting de Xixón. El so actual director ye Xosé María Meana Acebal.

Instalaciones

Asitiada pela rodiada de Xixón, al sur de la ciudá, tien una superficie de 111 700 m². Tien ocho campos de fútbol  (cinco de yerba natural, dos de arena y unu de yerba sintético) Amás, dispon d'un campu de fútbol 7 de yerba natural, un campu d'entrenamientu de porteros, una pista de fútbol sala y una cancha de futvóley (una variación del voleibol na mas que se xuega col pie). Complementen estes instalaciones diez vestuario, un centru médicu y un ximnasiu nel que s'exerciten los futbolistes. Amás, tamién se dispon d'una cafetería-restorán, un edificiu d'oficines, diversos almacenes y un aparcamientu.

Pa poder allugar el campus de branu, nel que les instalaciones de Mareo camuden nun campamentu futbolísticu pa los más nuevos, la Escuela tamién alluga un total d'ocho cabañes-cuartu onde s'agospien los neños y otra cabana que ye dedicada a les actividaes más xenerales del campus. Esti campamentu gocia yá de prestíxu internacional y añu a añuvien xente de cada vez más nacionalidaes.

Amás, la Escuela de Mareo tamién ye'l llugar qu'acueye los partíos que'l Real Sporting de Xixón "B" disputa como local, nel campu n.º 1, denomináu Pepe Ortiz n'honor al que fuera delanteru del conxuntu sportinguista mientres la década de los cincuenta.

Hestoria

En xineru de 1974, la directiva sportinguista, dirixida por Ángel Viejo Feliú, contrata al entrenador yugoslavu Branco Zebec, que llega a Xixón y marcha a los pocos díes polos precarios recursos de que dispon'l club pa entrenar. Nesi momentu, ye cuando se plantega firmemente adquirir unos tarrenos y construyir unes instalaciones acordes a un equipu como'l Sporting. Les perres pol trespasu del xugador vascu Ignacio Churruca al Athletic Club, 50 millones de pesetes, destínense íntegramente a poner en marcha'l proyectu, que ve la  lluz el 28 de marzu de 1978, cuando s'inaugura oficialmente la Escuela.

El 1 d'agostu de 2001, el Conceyu de Xixón merca les instalaciones de la Escuela de fútbol de Mareo y les marques del Sporting por 12 millones d'euros, lo que supon un ingresu importante pa la sociedá anónima deportiva, que traviesa nesos momentos una grave crisis económica, con fuertes deldes contraíes, principalmente cola Facienda pública. El Sporting pasa, entós, a suscribir un contratu d'arriendu col Conceyu, pa poder siguir utilizando les instalaciones. La valoración de la Escuela y de les marques (derechos de propiedá industrial) foi oxetu de discutiniu, una y bones el Sporting considerar baxa, pero nun tuvo más remediu qu'aceptala, debíu al colapsu de lliquidez que presentaba.