REAL MADRID - SPORTING by

"Güei un '2' fixu, suañar ye de baldre y el Madrid tien de perder un día..."

La Peña Antonio Miguel Albajara ye la única del Sporting na capital

La Mareona del Sporting en Madrid va arrincar güei na cai Juan Bravo númberu 57. Ellí, nel Chigre Confrería MAD ta la see de la Peña Antonio Miguel Albajara, la única sportinguista en Madrid y un bastión de irreductibles raxonos. "Empezamos cuatro o cinco viendo partíos en Segunda, agora somos cerca de cincuenta y cada vez se nos suma más xente al traviés del Facebook", esplica Hugo Güerta, el so presidente. Ente "caxes de sidrina y empanaes" crearon una peña con arume cinematográfico. "Munchos son actores, guionistes y xente del mundín, y el nome de la peña ye'l del personaxe d'Antonio Ferrandis en Volver Empezar, porque había munches referencies a Xixón, el Sporting... Pidímos-y permisu a José Luis Garci y non yá diónoslo, sinón qu'amás-y fiximos sociu d'honor", rellata riendo Hugo. Güei van tar nel Bernabéu y son valientes: "Un '2' fixu na quiniela. El Madrid tien de perder dalgún partíu, ¿por qué non ésti? Nun vamos llevar siete como l'añu pasáu". Para ello confíen nos sos baluartes, Rivera ("el meyor fichaxe"), Diego Castro ("ta saliéndose") y Preciáu: "Somos modestos y sacó petróleu d'esta plantiya". ¿Y el Madrid? Respuenden con fair play. "Nun vamos dar pataes como'l Valladolid, queremos xugar bien anque a Cristianu va haber que marca-y bien enriba...".