Meyor que nel Nou Camp by

Al Sporting dáse-y meyor el Bernabéu qu'el Nou Camp. L'equipu xixonés visitó dambos estadios per primer vegada na temporada 1944-1945: en Barcelona cayó por 2-0 y en Madrid por 4-1. El Sporting ganó dos vegaes y empató diez nel Bernabéu, ente que na ciudá condal solo venció nuna ocasión y empató en cuatro.

Nel Bernabéu ganó per primer vegada en 1948, con un solitariu gol de Pío nel últimu minutu del partíu. Aquel día xugaron Muñárriz; Armandín, Viti, Tamayo, García, Ladreda, Dindurra, Chano, Pío, Molinucu y Sánchez; entrenaba Rumbold.

La segunda, y última, victoria llogróla'l 7 d'abril de 1996, con Novoa como técnicu. Los raxonos fixeron valir el gol del lladral derechu Velasco --formáu na cantera blanca-- a los catorce minutos, énte los Luis Enrique, Guti, Míchel, Laudrup, Raúl, Zamorano y compañía, con Arsenio Iglesias nel banquín madridista. El Sporting formó con Ablanedo; Velasco, Bango, Acebal, Giner, Pablo; Avelino, Hugo Pérez, David Cano; Dani Bouzas y Lediakhov. Tamién xugaron Muñiz, Mario Cotelo y Tomás.

El Sporting de la dómina dorada nun llogró ganar enxamás en Lliga nel Bernabéu. Quini solo marcó un gol (1978), Molinucu foi al autor del primer tanto sportinguista en Chamartín y Kike Mateo del últimu. Los demás futbolistes que pueden presumir de marcar en Chamartín fueron Cuca, Domingo, Pío, Areitio, Grau, Ortiz, Iborra, Valdés, Ferrero, Ciriaco, Abel, David, Maceda, Ablanedo I, Felipe, Luhovy, Saric, Abelardo y Cherishev. Eloy, en dos partíos distintos, y Megido --nel choque de 1974-- fueron los únicos que llograron repitir.