La selección asturiana sub 18 prepárase pa intentar entrar na fase final by

Les selecciones asturianes masculines sub 16 y sub 18 preparen nos campos de la Federación, en Fregadures, los sos compromisos de mañana y del domingu énte los equipos de Cantabria y Valencia.

Distintos son los oxetivos de dambos selecciones del Principáu. Per una parte, los sub 16 encaren los sos duelos de manera preparatoria al nun apostase una plaza na siguiente ronda, una y bones na primer fase nun llograron puntuar y nun cunten con opciones d'aportar a la tercer y definitiva fase de la competición.

Con más motivación encara los sos choques l'equipu xuvenil, una y bones na primer fase sumó cuatro puntos y agora quier certificar el so pase a la próxima ronda pa intentar revalidar el títulu nacional llográu la temporada pasada. La selección sub 18, qu'entrena Jaime de Leiva, ta encabezada polos xugadores del Sporting B Sergio y Juan Muñiz, que nun van poder participar col filial raxón. Los alcuentros tán marcaos pal vienres, a les 12.30 hores, énte Cantabria y el domingu, col mesmu horariu, énte la Comunidad Valenciana.

Los 18 xugadores escoyíos por Leiva son: Alberto, Dennis, Juan Muñiz, Sergio y Juan Mera, del Sporting; Adrián, Jon Félix, Iván, y Jairo Cárcaba (TSK Fregadures); Secades, Pablo Coutado, Tellada y Dos santos (Real Uviéu); Jaime Serrano y Mario (Ástur); Jorge Delgado (Real Avilés); David Álvarez (Cuadonga) y Llerandi (Llanes Urbania).

Pela so parte el combináu sub 16, dirixíu por Eloy Olaya, va apostar los sos alcuentros el vienres énte Cantabria y el domingu énte Valencia, dambos a les 10.30 hores. La llista de xugadores ta compuesta por: Sergio, Álex, Alejandro García, Borja, Iván y Chechu (Sporting); Adán, Alejandro, Ernesto y Pablo Corrolades (Real Uviéu); Cristian y Alberto (Llanes Urbania); Jorge (TSK Fregadures); Luis Fanjul (Veriña); Pablo Miñor (Andés); Román (Ástur); Jesús Restrepo (Arenal B) y David (Romanón).