A empiezos de 1968 un rapaz de 17 años entraba per primer vegada nos locales de la Secretaria del Real Uviéu. Yera, na xíriga futbolística, una promesa, un xugador mozu que'l so fichaxe interesaba al club uvieín.
Volvería mas vegaes, nel intre d'unes llargues conversaciones, pero nun llegaría a un alcuerdu.
Llamábase Enrique Castro González y conocíenlu por Quini, como al so padre, que xugara de porteru n'equipos modestos d'Uviéu.

Quini nació n'Uviéu'l 23 de setiembre de 1949.

Siendo un neñu la so familia treslládose a Avilés, porque'l padre trabayaba en Ensidesa. Nel pobláu siderúrxicu de Llaranes empezó a xugar al fútbol. Destaco bien llueu como goliador. Del Salesianos Infantil pasu al Bosco Ensidesa y, na temporada 1967-68, al primer equipu del Ensidesa que xugaba entós en Tercer División.

Enantes que acabare la primer vuelta de la Lliga'l Sporting, que roblara un conveniu de collaboración col Ensidesa, reclámolu, despues de velu xugar un partíu Deportivu Xixón - Ensidesa (1-6), nel que Quini marcu cuatro goles al filial sportinguista.

APUNTA-Y ESTA FECHA : El 9 d'avientu Quini fichaba pol Sporting.


Carriega, allíniolu por primer vegada en Sevilla, contra'l Betis, col numbero 8 al llombu. Yera'l 22 d'avientu de 1968. El Sporting perdió 1-O.
Al domingu siguiente, nel Molinón, Quini marcaba'l so primer gol raxón, frente al Ferrol. Al cabu del tiempu nun recuerda con precisión la xugada. "Sé que foi col pie y na portería del marcador. Pero nun m'alcuerdo de mas detalles, nin del nome del porteru del Ferrol. El campu taba con muncho barru y el Sporting fixo un bon partíu. Merecimos ganar, pero solo empatamos a ún "dende entós Quini seria titular indiscutido. Tenia 19 años.

LOS NÚMBEROS DE QUINI NA LLIGA ESPAÑOLA

Partios xugaos 448 - Minutos 35.872 - Goles 219 - Pichichi 5

Enzo Ferrero Águila nació en Bonos Aires (Arxentina) el 10 d'Abril de 1954. Xugó en Boca Juniors dende 1971 hasta 1975, pa fichar pol Sporting onde xugó hasta 1985, añu en que se retiró como futbolista n'activu. Yera conocíu como Ferrero o "El piqui".


En Boca llueu se dieron cuenta de les sos habilidaes con esa maniega (zurda) máxica, y bien mozu debutaría como titular; formando una gran delantrera en dichu club en 1974: Ponce, Benítez, García Cambón, Potente y "Ferrero". Namá-y faltó'l títulu con Boca.
En 1975 llega a Xixón onde se xuntaría con un gran grupu, tantu no personal como no profesional, los cuales trés años más tarde fadríen una gran temporada, tando a puntu de ganar el campeonatu de lliga. Pero non solu la temporada 78-79 foi grandiosa, tamién l'anterior y les posteriores. Ferrero foi'l más grande estremu "maniegu" que vi na mio vida, tenía habilidá, regate y velocidá xeniales; amás d'esa característica forma de conducir el balón al encarar el regate, llevando l'esféricu d'un pie al otru colos interiores, a gran velocidá, saliendo del regate bien pola derecha o pola esquierda; asorando a los rivales que nun sabíen porque llau diba superalos.como nel patiu del colexu
Ferrero dió grandes allegríes en Xixón, al par de Quini, Castro, Joaquín, Mesa, y tantos otros; retirándose en 1985. Foi internacional absolutu con Arxentina; siendo sub-campeón de lliga col Sporting en 1979, y dos veces sub-campeón de copa en 1981 y 1982. Marcó munchos goles col Sporting, pero recuerdo con gran emoción aquel que fixo con esa maniega terrorífica al Torino n'eliminatoria de la Uefa; y foi de corner directu. Ensin dulda la meyor maniega que vi na mio vida....

«El Molinón nun ye un estadiu de fútbol, sinón un estáu d'ánimu».

Estes pallabres de José Luis Garci,espliquen la rellación qu'esiste ente'l sportinguismo y el so estadiu

El Molinón ye l'estadiu más vieyu d'España. Anque la so inauguración data de 1917, ta constatáu que los terrenos d'El Molinón yeren utilizaos pa xugar partíos de fútbol siquier dende 1908. Asina lo atestigua la noticia apaecida nel diariu El Comerciu'l 20 de mayu de 1908, qu'informaba que «l'últimu domingu, nel campu d'El Molinón, xugaron un match de football los equipos de les sociedaes sportivas La Bella Sportiva y El Balón». Como asocedía con otros terrenos de la ciudá, El Molinón yera utilizáu por varios equipos pa los sos entrenamientos y partíos y nun ye hasta 1913 cuado el Sporting entama a xugar nél como anfitrión, dada la so supremacía nel fútbol llocal, y en refugando otros campos menos aptos pa la práctica del fútbol como'l Prau Redondu, en La Güelga, o La Matona, en La Guía.

En 1925, el Sporting compro la finca d'El Molinón por 40.000 pesetes. Con un aforu que rondaba les 6000 localidaes

El Molinón foi quedándose pequeñu a midida que'l Sporting abría pasu nel fútbol nacional. L'elección d'El Molinón como sede del partíu España-Italia en 1928 obligó a ampliar l'estadiu y, asina, construyóse en tan solo 21 díes una nueva tribuna de 144 metros de llargu. El partíu foi visto por más de 12.000 persones. Tola prensa allabó aquella obra y definió a El Molinón como ún de los meyores campos d'España. Poco duró de pie, la magnífica tribuna oeste d'El Molinón el 27 d'avientu de 1931, unes hores dempués de la finalización d'un partíu ente'l Sporting y el Racing de Santander, producióse una quema que la destruyó dafechu.
Los gastos de reconstrucción de la grada complicaron entá más la situación económica pola que travesaba'l Sporting a principios de los años trenta. En 1935 decidió vendese El Molinón al Conceyu por 223.136,75 pesetes, como única manera de solliviar la presión de les deudes que pesaben sobre l'entidá.


Un sieglu más tardi'l vieyu Molinón sigui tan Mozu como siempre....